Полека исчезнува атмосферата на Плутон

Според најновите истражувања, додека Плутон се оддалечува од Сонцето, гасовите што го опкружуваат полека исчезнуваат. Ретката атмосфера на Плутон главно се состои од азот со малку метан и јаглерод моноксид. Со оглед на тоа што температурата на таа планета опаѓа, се чини дека тоа предизвикува повторно замрзнување на азотот, што доведува до губење на атмосферата, пишува Science Alert.

-Научниците ги следат промените во атмосферата на Плутон од 1988 година преку окултната техника“, рече планетарниот научник Елиот Јанг од Југозападниот истражувачки институт (СВРИ) во Тексас.

-Мисијата Нови хоризонти доби одличен увид во нејзината густина во текот на летото 2015 година, која двојно се зголемуваше секоја деценија дотогаш. Но, нашите набљудувања од 2018 година покажуваат дека овој тренд престанува по 2015 година, додава Јанг.

Планини и океани?

Атмосферата на Плутон се формирала откако мразот испарувал од површината на планетата.

На оваа џуџеста планета во моментов ѝ се потребни околу 248 Земјини години за да направи еден круг околу Сонцето, и во еден момент дури и се приближи до нашата sвезда на 30 астрономски единици (АУ); односно на 30 пати повеќе од растојанието помеѓу Земјата и Сонцето.

Но, растојанието помеѓу Плутон и Сонцето сѐ уште расте, при што планетата добива се помалку сончева светлина и има пониски и пониски температури. Зголемувањето на густината на атмосферата забележано во 2015 година најверојатно е последица на термичка инерција – преостаната топлина заробена во азотниот мраз.

-Ова се случува, на пример, кога сонцето го загрева песокот на плажа. Сончевата светлина е најинтензивна на пладне, но песокот продолжува да апсорбира топлина и попладне, па затоа е најтопло доцна попладне, вели планетарниот научник Лесли Јанг на SwRI.

Плутон можеби веќе не се смета за планета, но ова небесно тело е сепак многу интересно за астрономите. Во последниве години, научниците утврдија дека постојат планини со снежни врвови на Плутон, и течни океани под неговата површина.