„Richard Mille“ и „Ferrari“ го претставија најтенкиот часовник на светот, дебел само 1,75 милиметри
Швајцарскиот производител на луксузни часовници „Richard Mille“ во соработка со „Ferrari“ го претставија најтенкиот часовник во светот чија дебелина е само 1,75мм.
Се чини дека само пред неколку месеци „Bulgari“ постави нов рекорд за најтенкиот часовник на светот. Во март, „Bulgari Octo Finissimo Ultra“ ја виде светлината на денот со 1,80мм, што го правеше најтенкиот часовник некогаш направен.
The one time there's a cool watch with Ferrari's name on it, the new Richard Mille UP-01. At 1.75mm thick, it beat Bulgari's Octo Finissimo by 0.05mm for the thinnest mechanical watch pic.twitter.com/XNwT6hTcOz
— Omar (@omar_anwari_) July 6, 2022
Благодарение на партнерството помеѓу „Richard Mille“ и „Ferrari“ беше претставен новиот „шампион“ тенок како жилет.
Овој нов ултра тенок часовник е дебел само 1,75мм, победувајќи го „Bulgari“ за 0,05 мм. За разлика од „Bulgari“ (и поранешниот рекордер на „Piaget“), кај „RM UP-01 Ferrari“ целиот механизам е склопен во куќиштето со дебелина од 1,18мм.
Ултра рамниот „Calibre RMUP-01“ има опција за мерење часови, минути, секунди и копче за бирање функции. Плочата за движење што се користи за овој часовник е скелетизирана и подложена на низа тестови за јачина што му овозможуваат да издржи забрзувања од над 5000Gs.
At just 1.75 millimetres thick, the RM UP-01 Ferrari constitutes a triumph of technical prowess, rolling back again the limits by taking up the ultra-flat challenge.https://t.co/WqvuEmpuw7#RMXFerrari #RMUP01 @Ferrari pic.twitter.com/Ncq65mSD6j
— Richard Mille (@Richard_Mille) July 5, 2022
Механизмот бил развиен меѓу „RM“ и „Audemars Piguet Renaud & Papi“ и тој вклучува титаниумски балансирана точка на променлива инерција, што овозможува намалување на дебелината без губење на функциите и моќноста.
Обликот на куќиштето е нешто како заоблен правоаголник со ознака за време сместена во средината на горната половина. Сè што го опкружува главниот приказ на времето е всушност рамка. На оваа рамка е вметнет и бирачот на функции што му овозможува на корисникот да избира помеѓу намотување или поставување.
Часовникот е покриен со сафирно стакло со антирефлектирачка обвивка од двете страни. Остатокот од дизајнот на куќиштето е од индустриски карактер со голем сегмент пренесен на логото на „Ferrari“ од внатрешната страна.
„RM UP-01“ е ограничен на 150 парчиња, а потенцијалните купувачи ќе мора да издвојат 1.888.000 долари за да го поседуваат.
