Трикови за разубавување додека сте на одмор

Некои од нас имаат на располагање околу 7 дена за уживање, а оние повозрасните и поискусните и до 3 недели. Тоа се оние моменти кога одите да ги одморите душата и телото од секојдневната околна, работата и да се препуштите само на себе и сопствените мисли на некоја нова туристичка локација. Во тој период најдобро е да изгледате потполно природно и лежерно. Сепак, за тоа служи одморот.

Сол во косата

Покрај тоа што ќе ви договара да ја врзете косата и да ја тргнете од лицето и вратот во текот на денот, така можете да добиете и идеална фризура за вечерните часови.

Кога ќе излезете од морската вода лесно процедете ја водата од вашата коса, дозволете малку да се исуши на воздух, а пота заврзете ја во реп на врвот од темето.

Пота направете мала пунџа со дополнителен ластик.

Дозволете косата така да се исуши и потоа извадете ги двата ластика. Ќе добиете брановидна коса готова за излагање, без да додавате дополнителни хемикалии на неа.

Пријатен мирис

Не претерувајте со силни ориентални мириси.

Во текот на летото повеќе се потиме,а и кожата лачи вишок маснотии, па со тоа треба да го промените и тонот на парфемот кој го користите.

Прснете малку цитрусен парфем во воздухот и поминете преку тој мирисен облак. Сосема доволно.

На крај

Поголемиот дел од луѓето ставаат неопходни „after sun“ производи кога ќе се искапат после плажа и мислат дека тоа е доволно.

Сепак, тоа е само половина работа.

Најдобро е пред да заспиете уште еднаш да ги намачкате со хидратантна крема критичните точки каде најмногу горите, за кожата да остане здрава и затегната.