По тепачка во домот велешка полицијата привела татко и син на кој му биле измерени 2,93 промили алкохол во крвта
Објавено: 18 февруари, 2026, во 12:15 часот
Полициски службеници на Сектор за внатрешни работи Велес, (СВР Велес) вчера доцна попладне, во 18:30 часот , ги лишиле од слобода 30-годишник од Велес и неговиот 58 – годишен татко, постапувајќи по претходна пријава дека во семејниот дом, синот му се заканувал и се обидел физички да го нападне неговиот татко, по што тој му возвратил.
„Тие биле приведени во полициска станица, а при преземање мерки било констатирано дека 30-годишникот бил под дејство на алкохол, односно измерени му биле 2,93 промили алкохол во крвта, по што бил задржан. За настанот е известен јавен обвинител и по целосно документирање на настанот, ќе бидат поднесени соодветни пријави, соопшти Ана Милевска георгиева портпаролка на СВР Велес .
Убавка Јаневска
