Издумани Крлевизми: „Во црно-бел свет и зебрите не сакаат да живеат“

Афористичарот и сатиричар Атанас Крлевски и неговите најнови афоризми, наместо во петок, поради одбележувањето на Велигденските празници, во денешниот понеделничен ден на заедницата на читатели на Дума.мк и ги пренесува впечатоците од секојдневниот живот напишани со афористички јазик.

„Сакам фалби… ако се со усул!“

„Ако ги исклучите крајностите, ќе добиете нови крајности.“

„Молчењето ми е избор. Барем по едно да сум мудар.“

„Во црно-бел свет и зебрите не сакаат да живеат.“

„Разумот ми зборува едно, а јас друго.“

„За пари остана без пари!“

„Ден – година? Денот кога ја придружувам жена ми во шопинг.“

„Имам ретко занимање. Си ја гледам мојата работа.“

„Молчам со женски акцент. Значи – ретко!“

„Грешките си ги повторуваме во континуитет, па нели повторувањето е мајка на знаењето.“

Вашиот,

Атанас Крлевски