9 декември – Меѓународен ден за борба против корупцијата
Објавено: 9 декември, 2020, во 10:25 часот
09.12.2020
Државната комисија за спречување на корупцијата (ДКСК) денеска ќе го одбележи Меѓународниот ден за борба против корупцијат со настанот, кој заради препораките за заштита од Ковид-19 ќе се одржи во хибридна форма.
Како што соопшти ДКСК, првично предвидени се обраќања на: претседателката на ДКСК, Билјана Ивановска, потпретседателот на Собранието, Горан Мисовски, шефот на Делегацијата на ЕУ, Дејвид Гир, заменикот на претседателот на Владата за борба против корупцијата и криминал, одржлив развој и човечки ресурси, Љупчо Николовски, министерот за правда, Бојан Маричиќ и на претставникот на платформата на граѓански организации за борба против корупцијата, Миша Поповиќ.
По воведните обраќања, треба да се одржи онлајн дискусија која ќе се одвива преку интернет платформата „ZООМ“, а во која покрај медиумите, се очекува да се вклучат и претставници на законодавната, извршната и судската власт, од меѓународните организации, локалната самоуправа, невладиниот и приватниот сектор.
Истовремено, по повод 9. Декември – Мегународниот ден за борба против корупција, група активисти низ Скопје, спроведоа урбана акција поставувајќи транспаренти, чија содржина укажува на тоа колку корупцијата е застапена во нашето општество. Вкупно 8 транспаренти со фиктивни содржина, но базирани на реалноста во која живееме, се поставени на исто толку места.
Мите Јаначков
