Денес Неготино ќе остане без вода до 20 часот
Објавено на 26 февруари, 2021 во 09:11
26.02.2021
Денес (26.02.2021), од 09:00 до 20:00 часот, граѓаните на Општина Неготино ќе останат без водоснабдување, известуваат од ЈП „Комуналец״ – Неготино. Прекинот на водоснабдувањето со вода за пиење се должи поради преспојување на новоизградената линија на главниот цевковод ф300 во Кавадарци.
За прекинот на водоснабдувањето се огласи и Градоначалникот на Неготино, кој информира дека со цел одобрување на квалитетот со водоснабдувањето, а поради дотраеност и појавата на чести дефекти, ЈП „Комуналец״ Неготино менува дел од главната водоводна линија односно главниот цевковод кој доаѓа од Кавадарци до Неготино.
Од ЈП „Комуналец״– Неготино ги замолуваат граѓаните на Општина Неготино на разбирање.
Мите Јаначков
