(Обновено) СВР Велес: Експлодирана плинска боца ја предизвика синоќешната детонација во центарот на Велес

Се запалила плинска боца,вчера вечер, во домот на шеесет и три годишниот А.Ш којшто се наоѓа на улица„Благој Нечев“ а кога тој не успеал да ја изгасне ја фрлил во дворот. Експлодираната боца ја предизвика силната детонација којашто вчера вечер, околу 20:50 часот, ја слушнаа велешани коишто живеат во центарот на градот како и граѓани од источната страна поточно околу и над месноста „Прцорек“ како и во населбата „Речани“.

„На 17 септември 2023 година, околу 20:50 чaсот, во Велес, во домот на А.Ш.(63)  на ул.„Благој Нечев“, настанал пожар на плинска боца. А.Ш. откако не успеал да ја изгаси, ја фрлил во дворот, по што боцата експлодирала. Нема повредени лица, а не е причинета ни материјална штета,“ пишува Сектор за внатрешни работи Велес во одговорот на новинарските прашања на Дума.мк.

Убавка Јаневска