Издумани Крлевизми: „Ако свекрвата е нервозна, значи снаата пак направила нешто модерно“

Десет афоризми, за релаксиран ден и секако мирен и спокоен викенд, ви напиша афористичарот и сатиричар Атанас Крлевски.

„Од бабини приказни дедо не се плаши.“

„Во зима никогаш не сум надвор од себе. Зимурлив сум!“

„На вистинскиот пат нема лажни луѓе.“

„Двоен морал е уметничко име за неморалот.“

„Глупостите се размножуваат со проста делба.“

„Не се смеам на туѓа сметка. Си имам своја..“

„Ако свекрвата е нервозна, значи снаата пак направила нешто модерно.“

„Среќата не се чека – рече мрзеливецот и легна под дебелата сенка.“

„Во женските лаги веруваат само мажите. Тие, кои не лажат.“

„Денес љубовта се докажува со материјални докази.“

Вашиот, Атанас Крлевски