Издумани Крлевизми: „Јас сум за 24/5. Не е лесно седум дена ништо да не работиш!“
Објавено на 25 април, 2025 во 09:25
Афоризмите за овој петок на велешкиот афористичар и сатиричар Атанас Крлевски за читателската заедница на Дума.мк гласат:
„Предуслов да бидеш среќен во животот е безусловно да ги сакаш луѓето.“
„Мрзеливоста останува неизлечива болест. Медицината не ја изучува.“
„Во моите кругови сѐ е под конец!“
„Мојата мрзливост не е убава, ама е шармантна!“
„Со жените имам разбирачка. Им дозволувам да ме разберат на почек!“
„Јас сум за 24/5. Не е лесно седум дена ништо да не работиш!“
„Гола вистина: живееме во свет на лаги!“
„Рушам рекорди како од шега. Неславни!“
„Флертот е како одење по мраз. Лесно можеш да се лизнеш.“
„Наградите не ми значат ништо, кога ги добиваат други.“
Вашиот, Атанас Крлевски
Поврзано:
