Кавадаречко културно лето: Вечерва заеднички концерт на хорови и пеачки друштва од соседна Србија

На Градски плоштад во Кавадарци, вечерва, четврток,13 јули, заеднички концерт ќе одржат гостински хорови и пеачки друштва од Лесковац и Ниш, од Република Србија.

Почетокот на заедничкиот концерт е во 20:00 часот. Концертот се одржува на отворен простор. Организаторот, Дом на култура “Иван Мазов – Климе“ Кавадарци, ги покани сите граѓани кои имаат слободно време за прошетки во вечерните часови да дојдат и да уживаат во различните музички изведби на гостите од соседна Србија.

Меѓу другите хорски теми, ќе бидат изведени: Врбице врбо зелена, Ој девојко душо моја, Назад Калино моме, Море сокол пие, Шетнала се кузум Стана, Ајде Јано, Зорба, Русе косе цуро имаш, Сплет на Грчки песни, Јовано Јованке, Врањска свита како и Ај мене мајка једну има, Штипски чочек ,Нишка бања и други.

Пред настапот на хоровите и пеачките друштва свој настап ќе имаат дел од учесниците на детскиот фестивал “Гроздоберче“.

Исто така, домот информира дека во рамки на манифестацијата “Кавадаречко културно лето 2023“ во сабота, на 15 јули, со почеток во 20:00 часот на градскиот плоштад ќе биде изведена театарска претстава за деца “Во домот на волшебникот“.

Убавка Јаневска