Концертен спектакл „Приказна за виенскиот валцер“ на Национален музички театар од Софија во Кавадарци

Целовечерен концерт насловен како „Приказна за виенскиот валцер“, во изведба на Национален музички театар од Софија, Бугарија ќе се одржи утревечер, 5 декември 2024 година во Домот на културата „Иван Мазов – Климе“.

Љубителите на оперската музика, ќе имаат можност да ги чујат  најпознатите оперски нумери  од Јохан Штраус, Франц Лехар и Имре Калман во изведба на најголемите ѕвезди на музичкиот театар од Софија. На сцената ќе блеснат и балетските солисти, заедно со  оркестарот на музичкиот театар. Диригент е Јули Дамјанов и режисер на концертот е Александар Мутафчијски.

Концертниот спектакал „Приказна за виенскиот валцер“ започнува во 19:00 часот.

Стефани Манева