Неделен афористички поздрав од велешкиот афористичар Коки

Велешкиот афористичар Коки со шест нови афоризми за читателите на Дума.мк. Уживајте:

-За жал, денарот денес исклучиво служи за враќање кусур.

-Анатомија е она што ја имаме сите, само што таа за разлика од мажите, на жените многу поубаво и пристои.

-И во сексот се сe помалку оние што го држат јазикот за забите.

-Господата кои постојано седат во удобните кожни фотељи, бескрајно ќе ве уверуваат дека од оваа кожа во друга не се може.

-Постојат луѓе што ги мразат сите жени и луѓе…што ја мразат само својата.

-Атлетиката му беше слаба страна, кај ниту една не стигна прв.

Афористичар

Никола Бошков – Коки