Тешко повреден моторциклист во сообраќајка во Демир Капија
Објавено на 26 септември, 2018 во 20:18
Со тешки телесни повреди задржан е на лекување во ЈЗО Општа болница – Кавадарци возачот на моторцикот марка „Јамаха ХТ 250“ , Д.Н.(27)од неготинското село Чифлик кој настрадал во сообраќајната несреќа со патнички автомобил марка „Ситроен берлинго“ со неготински регистарски броеви управуван од З.П.(51) од Демир Капија.
Несреќата се случила вчера, вторник, околу 11.30 часот во Демир Капија на ул.„Партизанска“.
– Д.Н го возел моторциклот нерегистриран, пишува во соопштението на СВР Велес.
Моторциклистот е надвор од животна опасност.
Увид на местото на настанот извршила екипа од Полициската станица од општа надлежност во Неготино. Резултатите од увидот ќе ги утврдат причините за несреќата./У.Ј
