Од понеделник вакцинација против грип во Кавадарци

Објавено на 13 октомври, 2012 во 23:58

Од понеделник  започнува вакцинација против сезонски грип во Центарот за јавно здравје Кавадарци секој работен ден во периодот од 9 до 16 часот. Вакцината е по цена од 400 денари.

Според информациите од специјалист епидемиолог д-р Ристе Јовановски за оваа сезона набавени се  над 500 дози вакцини против грип.  Минатата година против грип се вакцинирале 570 граѓани.

 

Д-р Јовановски вели, наближува сезоната за грип, пожелно е населението да се вакцинира против ова заразно заболување, а најуспешна метода или превентивна мерка е вакцинација за стекнување на имунитет против грипот.

Вакцината против грип посебно е  препорачана за ризичните групи, а тоа се постарите лица со хронични заболувања, помалите лица со намален имунитет и хронични заболувања, како и за лицата кои во текот на својата работа се изложени на заразување како здравствените работници и други струки – полиција, теренски работници, пошта, комуникации итн.

Според податоците на Центарот за јавно здравје Кавадарци во сезоната 2010/2011 од грип заболеле  2042 лица, а додека во сезоната 2011/2012 бројката на заболени е драстично помала и изнесува 680 грипозни лица.

Сподели:

Напиши коментар

Станете член на ДУМА.мк и споделете го вашето мислење преку коментар. Кликнете тука за да се најавите.