Крводарителска акција иницирана од „Левица“ Велес, собрани 63 крвни единици
![](https://duma.mk/wp-content/uploads/2024/06/Маргица-1024x768.jpg)
Велешкиот Црвен Крст, вчера, ја организираше Втората крводарителска акција во чест на Кочо Рацин, која што беше иницирана и поддржана од локалниот огранок на партијата „Левица“. Во акцијата што започна во 8:30 часот и траеше седум ипол часови собрани се 63 крвни единици.
– Крводарителската акција е во чест на Коста Солев Рацин. Годинава во месец јуни се навршуваат 81 година од неговото загинување. Велес е градот на Рацин, така што ние како локален огранок, втора година по ред ја реализираме оваа хумана акција, рече Димитар Абрашев член на Совет на Општина Велес на „Левица“.
![](https://duma.mk/wp-content/uploads/2024/06/Димитар-1024x768.jpg)
Локалниот огранок на партијата упати благодарност до сите шеесет и тројца крводарители кои учествуваа во акцијата и искажаа хуманост.
– Благодарност до Општинската организација на Црвениот крст во Велес, Институтот за трансфузиона медицина од Скопје, Народниот Музеј од Велес, додаде Абрашев.
![](https://duma.mk/wp-content/uploads/2024/06/насловна-1024x768.jpg)
Крводарителската акција се реализираше под мотото ,,Биди херој, дарувај крв, спаси нечиј живот” и слоганот ,,Рацин е вечен!”
Убавка Јаневска
![](https://duma.mk/wp-content/uploads/2021/05/SEMM.jpg)