Околу 100 ученици од ООУ „Панко Брашнаров“ обучени по прва помош
Објавено на 7 октомври, 2022 во 10:54
Во изминатите два дена основни знаења по прва помош добија околу 100 ученици од осмо и деветто одделение при ООУ „Панко Брашнаров“. Тие биле дел одобуките наменети за младинци на возраст од 12 до 18 години и научиле како да постапуваат при безсознание, појавана рани, изгореници, скршеници,крварење и друго.
Од Општинска организација на РСМ – Црвен крст Велес соопштија дека обуките се дел од кампањата „Првата помош спасува живот“ и истата ја одржал д-р Филип Тодоровски, волонтер со над 40 годишно искуство во велешкиот Црвен крст.
Инаку, од почетокот на кампањата во велешките училишта обучени по прва помош се скоро 400 ученици.
Стефани Манева
Поврзано:
