Петнаесет дена пред нова година се монтира елката во Младински парк

Започна монтирањето на новогодишната елка на Младински парк во Велес. Екипа на работници вчера ја поставија основата а денеска се монтира остатокот од елката во висина. Според информации добиени од Општина Велес годинава градот ќе биде украсен воглавно со старите новогодишни декорации како и со мала количина на нови.

До затворањето на информацијата Дума.мк не успеа да дознае конкретно дали освен во Младински парк декорациите ќе бидат поставени и во останатите централни улици во градот а особено дали ќе биде украсен источниот дел поточно преку река Вардар.

Дефинитивно и годинава општината нема да организира програма за деца што традиционално до пред неколку години се изведуваше во последниот ден од календарската година. Неа ќе треба да ја замени специјално подготвена новогодишна театарска претстава за деца од страна на актери на театар „Јордан Хаџи Константинот Џинот“ Велес. Освен премиерно, оваа претстава ќе доживее и уште неколку изведби затоа што двата ротари клубови „Кочо Рацин“ и „Велес“ ќе ги платат влезниците за сите ученици од основните училишта во општината.  

Стефани Манева