Приведен велешанец којшто го ограби магацинот со храна во детската градинка „Димче Мирчев“ во Велес

Полициски службеници од Сектор за внатрешни работи Велес, во текот на вчерашниот ден, го лишеле од слобода триесет и едно годишниот велешанец М.З, којшто се сомничи дека го ограбил магацинот со храна во детската градинка „Димче Мирчев“ во Велес.

– Тој се сомничи дека на 14.03.2022 влегол во градинка на улица „Коле Цветков“ во Велес и од магацинскиот простор одзел повеќе производи. М.З. бил приведен во полициска станица, а одземените производи биле пронајдени кај него и вратени на градинката, пишува во дневниот извештај на Министерство за внатрешни работи.

Оттаму додаваат дека по целосно документирање на случајот против него ќе биде поднесена соодветна пријава.

Стефани Манева