Се запали автомобил во Велес, пожарникарите интервенираа и го изгаснаа

Автомобилот се запалил на улица кај кружен тек Авона, претпладнево, околу 10:45 часот, за што помош била побарана од Територијалната Против Пожарна Единица Велес. Тројца пожарникари интервенирале веднаш со едно противпожарно возило.

„ По пристигнување на лице место извршено е догасување и ладење на запалениот автомобил.ТППЕ Велес упатува благодарност до совесните граѓани кој со противпожарни  апарати се обиделе да го изгаснат пожарот до нашето пристигнување,“ соопштија од ТППЕ Велес.

Од таму апелираат до граѓаните доколку забележат пожар да се јават на бесплатниот телефонски број 112 или 193.

Убавка Јаневска