Шанса за невработени млади од евиденцијата на Центар за вработување Велес за надградување на лични ИТ вештини

Во Центар за вработување Велес во тек е пријавувањето на младите невработени лица за користење на мерката која има за цел да им овозможи да ги надградат личните ИТ вештини. Оваа мерка можат да ја користат вкупно 735 невработени лица во државата, на возраст до 40 години, во областа на информациските технологии заради зголемување на нивната конкурентност и побрза интеграција на пазарот на трудот.

Заинтересираните млади невработени лица, кои се евидентирани во Центар за вработување, потребно е да имаат развиено почетни ИТ вештини. Со пријавувањето за користење на мерката за надградување на ИТ вештини селектираните невработени лица ќе посетуваат четири месечни обуки.

Обуките за напредни вештини од областа на информациските технологии  ќе се спроведуваат за следниве модуларни програмски пакети: IT Security Specialist за 30 лица, AWS Cloud Administrator за 70 лица, Microsoft Data Analyst за 70 лица, Unity Game Developer за 70 лица, Unity VR Developer за 70 лица, Oracle Java Developer за 70 лица, ISTQB Software tester and Test Analyst за 70 лица,  Python Developer за 70 лица, Motion Graphic Designer за 70 лица, Autodesk 3D Artist за 35 лица, за Net&Azure Developer за 35 лица, Network Specialist за 35 лица и JavaScript Essentials за 40 лица.

Невработени лица од евиденција на АВРСМ кои ќе се пријават на јавниот повик ќе пополнат Пријава и Изјава за согласност. По селекција, од обучувачи, ќе бидат информирани и повикани во Центар за вработување Велес.

Сите коишто редовно ќе ја посетуваат обуката ќе полагаат испит за да се стекнат со акредитиран Сертификат кои освен во Македонија е признат и во странство.

Тоа што е особено значајно е што мерката се реализира по принципот „прв дојден – прв услужен“ и затоа заинтересираните невработени лица потребно е што побрзо да се пријават.

Повеќе информации заинтересираните можат да добијат на следниот линк https://av.gov.mk/ од Оперативен план за вработување на Агенцијата за вработување на РС македонија.

Убавка Јаневска