Сите заинтересирани православни христијани може да се пријават за фаќање на Светиот крст во Повардарска епархија

Вековната традиција за фрлање на Светиот крст во водите на река Вардар на големиот христијански празник Богојавление – Водици продолжува и оваа година. Сите заинтересирани православни христијани коишто сакаат да бидат дел од овој настан можат да се пријават во просториите на Повардарска епархија, секој работен ден, од 08:00 до 16:00 часот.

Најсреќниот учесник што ќе го фати богојавленскиот крст од Повардарска епархија, Општина Велес како и од донатори и спонзори ќе добие пригодни подароци.

Светиот крст ќе се фрла во водите на река Вардар под Мало мовче, на 19 јануари, четврток, со почеток во 11:00 часот.  На настанот ќе му претходи божествена литургија, а со самиот чин ќе чиноначелствува Митрополит Повардарски г.Агатангел.

Стефани Манева