СВР Велес: Физички нападнат велешанец кој потоа бил ограбен, малолетнички краделе од продажен објект, друга велешанка пак украла пари

Сектор за внатрешни работи Велес преку дневниот билтен известува за две кражби во продажни објекти и еден физички напад на маж кој потоа бил ограбен.

Првата пријава во полициска станица Велес била вчера, во 12:20 часот, дека две малолетнички одземале повеќе предмети од продажен објект во Велес. Портпаролката Биљана Ѓаковска од СВР Велес додава дека одземените предмети биле пронајдени и вратени на сопственикот а по документирање  на настанот ќе следува соодветен поднесок за двете лица.

Потоа, во 15:50 часот била пријавена и втора кражба во продажен објект во Велес, поточно, женско лице одземало пари по што била пронајдена и парите биле вратени на сопственикот. Исто така, по документирање на настанот ќе следува и соодветен поднесок.

Еден час и половина по полноќ, ноќеска, на улица „Благој Кирков“ бил физички нападнат четириесет и едно годишниот А.Д од Велес од страна на неколку машки лица кои потоа му ги одзеле и парите. Од СВР Велес додаваат дека се работи на расчистување на случајот.

 Дума.мк