Лишен од слобода башиноселец што превезувал мигранти

10.04.2021

Полициски службеници од Полициска станица Штип вчера го лишиле од слобода лицето Ј.Ш.(39) од велешко Башино село, затоа што  при извршена контрола и преглед на патничко моторно возило „рено меган“ со велешки регистарски ознаки, кое тој го управувал, било констатирано дека превезува две лица-мигранти од Мароко.

Според соопштението на МВР, Ј.Ш. е задржан во полициска станица, додека лицата-мигранти се сместени во Прифатно-транзитен центар „Гази Баба“ за понатамошна постапка.

По целосно документирање на случајот ќе биде поднесен соодветен поднесок, соопштија од МВР.

Убавка Јаневска