Едукација по прва помош на наставниот кадар во ООУ „Рајко Жинзифов“ во Горно Оризари

Наставниот кадар на ООУ „Рајко Жинзифов“ во Горно Оризари, во текот на вчерашниот ден беше дел од едукација по прва помош спроведена од велешки Црвен крст. Целта на едукацијата е наставниците да ги освежат своите знаења за оваа животно спасувачка вештина и како што велат од Црвен крст Велес да научат повеќе за првата помош.

-Тие ги видоа постапките при срцево-белодробно оживување, крварења, рани, скршеници, повреди и останати ситуации во кои треба да се пружи прва помош. Едукацијата ја изведе Др. Марија Давчева волонтер во над 25-годишно искуство во Црвениот крст и тренер по прва помош, додадоа од велешки Црвен крст.

Оваа активност е дел од кампањата „Првата помош спасува живот“. Преку неа општинската организација на Црвен крст од Велес во текот на есенските месеци има за цел да опфати околу 500 ученици и наставници од повеќе училишта во градот и околината.

Стефани Манева