(Видео) Босиљчич: „Глумата е убава професија, но има една маана – глумецот чека некој да го избере!“

Потребно е да се напише подолг текст за да се прикаже професионалниот пат на српскиот глумец Иван Босиљчич кого средната и нешто повозрасна генерација на граѓани секако најповеќе го познава по остварените телевизиски улоги во југословенската кинематографија како што се сериите „Стижу долари“, „Рањени орао“, „Грех њене мајке“ „Непобедиво срце„ и Ургентни центар. Босиљчич има остварено и голем број на театарски улоги во српските театри, матичниот „Народно позориште“,„ „Југословенско драмско позориште“, Позориште на Теразијама„, „Позориште Славија“, „Звездара театар“, “Опера и театра Мадленијанум“. Овој глумец својата професионална реализација ја остварува и во бројни музикли и најпознат е со улогата на Мане во мјузиклот „Зона Замфирова“.

Непосреден, прецизен, конкретен и јасен, Иван Босиљчич, беше и во одговорите на новинарските прашања додека директен во одговорот: Зошто на познат глумец, реализиран и наградуван за телевизиски и театарски улоги, потребен му е личен проект „Наше вече“.

Вчеравечер освен актерските извонредните вокални и танцувачки способности, Босиљчич, ги покажа пред велешката публика на презентацијата на уметничката вечер на поезија и музика. Вака на почетокот ја поздрави велешката публика.

Користејќи поезија и проза од македонскиот писател Анте Поповски, Босиљчич, публиката ја воведе во т.н македонски дел од неговиот проект во којшто следеа изведби на композициите „Тајно моја“ на Тоше Проески и „Бел коњ“ на Влатко Стефановски.

Во пресрет на Божиќното празнување, Босиљчич, преку својот настап испрати пораки меѓу кои ширењето на љубовта и взаемното почитување беа најекспонирани и поврзани со Светото тројство. Велешани имаа можност да уживаат во изведбите на на професионалните музичари од бендот на проектот „Наше вече“, во рамки на Хуманитарната Божиќна вечер чиј организатор е Општина Велес.   

Крајот секогаш го краси делото! Крајот на „Наше вече“,вчеравечер во Велес, по исполнување на музичката желба „Кад замиришу јорговани“, на госпоѓа во публиката, и изведбите на неколку познати евргрин композиции од поранешните Ју простори, снимен е во следното видео.

Убавка Јаневска

Фото галерија: