Велигден во Велес: Распоред на литургии и цркви
Во пресрет на најголемиот христијански празник – Воскресението Христово, Велешкото архијерејско намесништво при Повардарската епархија на МПЦ-ОА го објави распоредот на богослужбите што ќе се одржат во велешките храмови. Верниците ќе имаат можност да присуствуваат на повеќе празнични литургии и вечерни служби, што ќе ги предводи митрополитот Повардарски, г. Агатангел.
Велика Сабота – 19 април 2025
Во пресрет на Воскресението Христово, на Велика Сабота, со почеток во 23:00 часот, ќе се одржи свечена Златоустова Литургија во четири велешки храмови:
- „Св. Вознесение Христово“
- „Св. Јован Крстител“
- „Св. Кирил и Методиј“
- „Св.Великомаченик Пантелејмон“
Велигден – 20 април 2025
На самиот ден на Христовото Воскресение, недела, 20 април, ќе се одржи утринска света Златоустова Литургија во храмот „Св. Богородица“ со почеток во 07:30 часот.
Во 09:00 часот, во црквата „Св. Кирил и Методиј“ ќе се служи вечерна богослужба по повод Второ Воскресение, со читање на Воскресенското Евангелие на повеќе јазици. И оваа служба ќе ја предводи митрополитот г. Агатангел.
Светла седмица
Празнувањето продолжува и во Светлата седмица. На 24 април (четврток), во 18:00 часот, ќе се одржи празнична вечерна служба во манастирот „Св. великомаченик Димитриј“.
Следниот ден, на 25 април (петок), по повод Балаклија – Источен Петок, во истиот манастир ќе се служи Света Златоустова Литургија заедно со Воскресенски Водосвет. Службата ќе започне во 08:15 часот, а ќе чиноначалствува митрополитот г. Агатангел.
Верниците се покануваат со духовна радост да се вклучат во овие свечени богослужби и заеднички да го прослават Воскресението Христово.
Дума.мк
