(видео) Општина Лозово, вечерва и утре, домаќин на првиот Овчеполски гроздобер „Лозово 2023“

Општина Лозово своето име го добила по многубројните лози коишто се одгледуваат во Овчеполскиот регион. Општината е препознатлива по своите обработливи ниви и родовите плодни земјишта што ја прават идеална позиција за виногради. Високите температури, сончевите денови и плодните почви допринесуваат за одлични вински реколти.

Затоа, оваа година за прв пат се организира и манифестацијата насловена како Овчеполски гроздобер „Лозово 2023“. Жителите на општината, околните места но и граѓаните на Македонија, вечерва и утревечер, на 6 и 7 септември, ќе имаат можност да уживаат во богата културна програма посветена на македонскиот фолклор и музика.

Вечерва, публиката ќе може да ужива во настапите на Атиџе Муратова, фолклорниот Ансамбл „Кочо Рацин“ од Лозово, ФА „Јанко Глигоров“ од Свети Николе, ГМД „Свети Николај“ од Свети Николе и како главна ѕвезда на вечерта Спасен Велјановски, додека утре, на 7 септември, ќе настапат Ламбе Алабаковски, Next time, Конга и DJ Дац.

Градоначалникот на Општина Лозово, Бошко Цветковски рече дека со овој дводневен фестивал ќе се одбележи почетокот на гроздоберот но и Независноста на Република Северна Македонија. Во продолжение видео запис со цела изјава на градоналачникот.

Стефани Манева