(Видео) Пред велешката куќа на „Надеж“ во помал број наспроти зголемен во возила на криумчари, мигранти продолжуваат да транзитираат низ Македонија и да бараат азил

Малкумина мигранти во последниве месеци ја користат познатата македонска рута на движење поточно железничката линија Гевгелија – Скопје. Ако досегашната пракса зборуваше дека со почетокот на летото се зголемуваа групите на мигранти така не е годинава. Тоа го пренесува хуманитарката Ленче Здравкин којашто будно, од својот дом, ја следи состојбата со мигрантите кои се обидуваат пешки да поминат низ Македонија. Здравкин и нејзиниот дом во Велес и понатаму се препознатливи од страна на мигрантите од Блискиот Исток и од земјите во Африка . Тие знаат дека доколку им затреба можат да побараат помош токму од куќата во која живее велешанката.

Тоа не значи дека расселувањето стагнира или се намалува затоа што податоците на МВР зборуваат за голем број на мигранти кои се превезуваат со помош на криумчари и нивни возила а голем број се и откриени од МВР вели Здравкин и соопштува фрапантен податок за досегашната вкупна бројка на расселени лица од овој дел на светот којашто изнесува 120 милиони.

Од Сектор за операции и координација на Центар за управување на кризи ги потврдуваат податоците на Здравкин. За разлика од минатите во 2024 година голем е бројот на мигранти кои што се обиделе Македонија да ја минат во возила на криумчари.

Според раководителот Горан Стојановски само во една недела, од 17 до 23 јуни откриени и сместени во Прифатен центар Гевгелија биле 19 мигранти. Од нив 15 се од Конго, двајца од Египет и по еден од Авганистан и од Мароко. Во вториот Прифатен центар Табановци, во истиот период, сместени биле вкупно 18 мигранти. Од нив 11 се Сиријци, по двајца Палестинци и Турци како и по еден Алжирец, Авганистанец и Иранец. Сите се вратени назад во соседна Грција.

Овен нив, минатата недела, на граничен премин „Богородица“, македонската полиција и армија при обид за нелегален влез во државата откриеле 41 мигрант додека на границата со соседна Србија при нелегален излез од Македонија откриени се 11 или вкупно 41 мигранти. И овие мигранти се вратени назад во Грција, без да бидат откриени криумчарите.

И додека официјалните државни институции ги сметаат за нелегално влезени во Македонија за што мораат да ги вратат назад, од земјата од која што влегле, УНХЦР за мигрантите со став дека од клучно значење е да не се заборави дека некои од тие луѓе во движење бегаат од конфликт, војна и прогон.

„Додека управуваат со движењето преку границите, државите мораат да осигураат дека ги идентификувааат луѓето на кои им е потребна меѓународна заштита и ги насочуваат кон системот за азил. Особено ранливите поединци како непридружувани деца мораат да се идентификуваат и да се упатат до соодветните институции, со цел нивните потреби да се задоволат на сензитивен начин. Тоа значи дека кога и некоја институција да работи со деца, таа мора да го идентификува и приоритизира најдобриот интерес на детето. Важно е да се нагласи дека притворот не смее и никогаш нема да биде во најдобар интерес на детето,“ соопшти УНХЦР.

Дума.мк ја прашаше Агенцијата за бегалции на ОН колку барања за азил имаат поднесено мигранти кои влегле во Македонија. Од таму одговорија дека во првите четири месеци на тековната година изнесува 106 лица додека во 2023 година бројката е 602 лица.

„Не е само важно да се сподели бројот на лицата кои аплицирале за азил, туку важно е да се потенцира дека секој број претставува човек кој треба да се третира со достоинство, почит и солидарност,“ додде УНХЦР.

Барателите на азил имаат право на слобода на движење како и сместување обезбедено од државата, но тие исто така можат да го организираат своето сместување во координација со властите.

 Убавка Јаневска