Дуото Јован Начаров и Борче Тодоровски од ЗСР „Бабуна“ се државни прваци во крапски риболов

Заврши лигата во крапски риболов во организација на македонската риболовна федерација. Учествуваа 15 екипи а велешка „Бабуна“ постигна инзвиреден успех. Двојката Тодоровски-Начаров ја прегази конкуренцијата и со 55 бода станаа државни прваци. На второто место се пласираа преставниците на кумановски „Мак дам“ со 43 бода. Ист број на бодови освоија и членовите на „Бабуна 2“ кои се трети но со помал улов на риба. Небојша Илиќ и Ордан Петровски само ја потврдија успешната сезона и доминација на велешкиот клуб.

Четврто пласираната екипа на „ЦО – 2“ од СкопјЕ, петите „Фишинг индустри“ од Крива Паланка и шестите „Костреж“ од Богданци, заедно со првите три пласирани состави во разигрување ќе се борат за влез во државната репрезентација.

Успешно  исполнување на поставените норми носат учество на светското првенство во Унгарија. Во разигрувањето велешани се фаворити со оглед на квалитетот и формата во која се наоѓаат. Годинешниве успеси не се случајни. Веќе трета година напредокот е евидентен а членовите на двете екипи се меѓу најмладите во државата. Причина повеќе за задоволството од постигнатото да биде поголемо.

Лазар Лазаревски