Еден контранапад на ЖФК„Деспина“ им ја одзеде победата на фудбалерките на „Борец“ на домашен терен

Во натпревар од шестотото коло на првата женска фудбалска лига екипата на ЖФК„Борец“ на  теренот на Градски стадион „Зоран Паунов“  одигра нерешено 1:1 со гостинките,  ФК„ Деспина“  од Прилеп.

„Борец“  дојде во водсво во 34 тата минута со голот на Максимовиќ која изби сама по десната страна и не и беше тешко да ја совлада прилепската голманка  Павловска. Фудбалерките на „Борец“  беа поборбени и во вториот дел на натпреварот кога постојано напаѓаа. Но, по една грешка во 63 минута прилепчанки  организираа брз противнапад и преку Петровска,  која стрелаше во самиот десен горен агол,  постигнаа гол и го израмнија резултатот.

До крајот на средбата  домашните напаѓаа, но тоа беше јалова иницијатива и не вроди со плод.  На натпреварот нападот не беше на висина и на задачата што упатува на констатацијата дека стручниот штаб ќе треба да се поработи на ефикасноста при создавањето на шансите во претстојните натпревари на првата женска фудбалска лига.

Лазар Лазаровски