Не запира серијата на високи победи на клубот во мал фудбал „Кеги моби“

Во натпревар од шестото коло на втората футсал лига на Македонија,  пред своите гледачи,  КМФ „Кеги моби“ ја совлада екипата на КМФ „Сее университи“ со 9:2.

Домашните поведоа во 27 секунда со голот на Давчевски.

Со головите на Трајков во втората, Адиливиќ во третата и Саздовски во седмата минута стигнаа до водство од 4:0. Победникот беше решен.

До крајот на натпреварот тренерот Панче Нанев им даде можности и на играчите кои вообичаено немаат голема минутажа на натпреварите.

Капитенот Адил Адиловиќ вечерва беше меѓу подобрите поединци. Тој по натпреварот за Дума.мк рече:

,, Очекувана победа, многу рано направивме висока предност и прашање беше со колку гола разлика ќе го добиеме натпреварот. По шест кола имаме максимален учинок и први сме на табелата.  Намерата ни е тука да останеме со што ќе обезбедиме пласман во првата футсал лига”.

Лазар Лазаровски