По повод 9 Ноември, се одржа ракометен турнир помеѓу велешани и светиниколци
Објавено на 8 ноември, 2023 во 10:18
На теренот во спортската сала „Гемиџии“ во Велес, вчеравечер, по повод одбележување на празникот на градот, 9 Ноември, се одржа и ракометен турнир. Натпреварот беше помеѓу екипата на велешките ветерани и екипата на ветераните од Свети Николе.
Во чест на празникот, Здружението на спортски ветерани додели и седум плакети на заслужни спортисти кои со своите спортски достигнувања оставиле траен белег на градот. Од општина Велес велат дека овој турнир се одржа во чест на сите спортисти и ракометари од градот. За време на натпреварот присутен бил и градоначалникот Марко Колев кој несебично го поддржувал спортот во градот.
Ракометниот турнир е во организација на Општина Велес и Здружението на спортски ветерани Велес.
Стефани Манева
