Преку 200 велосипедисти дел од турата „Со велосипед по Македонските Степи“ #BikeHoneyland2023 (фото)

Повеќе од 200 велосипедисти на различна возраст, изминатиот викенд, беа дел од турата „Со велосипед по Македонските Степи“ или #BikeHoneyland2023. Тие со возејќи активно шест часа, поминуваа по неколку населени места низ општините Велес, Градско и Лозово. Како централен дел на турата била посетата на Атиџе, хероината од филмот „Медена Земја“ во нејзиното село Бекирлија.

-Турата започна во 10:00 часот во центарот на Велес, на плоштад „Срмаале“ а помина низ неколку населени места низ трите општини. Сите учесници имаа можност да се запознаат со Атиџе, да се сликаат, да поразговараат со неа и секако, да купат од нејзиниот мед. Овој велосипедски настан имаше огромна посетеност. Преку 200 учесници од голем број на велосипедски здруженија, клубови и поединци од цела Македонија учествуваа на овој атрактивен настан. Огромна позитивна енергија владееше во неделата низ сите 70 км поминати на точак, рече Зоран Јаневски, претседател на здружението „Велес бикинг“.

Оваа тура наречена и „Медена Земја“ годинава е организирана по петти пат од страна на велешкото здружение „Велес Бајкинг“.

Инаку, последниот викенд од месец мај, е резервиран за нова тура во срцето на АЗОТ-от, во Богомила, сите заинтересирани може да се пријават и да бидат дел од турата.

Стефани Манева

фото: