Прв пораз сезонава на КМФ „Кеги моби“ на гостување во Штип

Во седмото од втората Футсал лига велешки „Кеги моби“ го доживеа првиот пораз. Загуби само со еден гол разлика од КМФ „ Мал Ајакс“, во Штип. Штипјани до победа стигнаа со пожртвувана игра иако гостинскиот состав имаше двојно повеќе шанси. Панче Наневски, тренер на „Кеги моби“ за Дума.мк  изјави:

„Убав натпревар, со многу добра игра. Не не сакаше топката, изпромашивме многу сто процентни шанси. Штом изостанува реализацијата, поразот е неминовен. Но тоа е спорт не победуваш секогаш иако си одиграл подобро. Благодарност до домаќинот за фер и коректниот однос.”

Инаку во натпреварот „Кеги моби“ поведе во 6 минута преку Саздовски. Израмни Штрков од „ Мал Ајакс“ во 8 минута. Двете екипи на полувреме замина со нерешен резултат 1:1.

Во 30 минута на второто полувреме, велешани со голот на Давчевски повторно поведоа но само две минути затоа што следеа головите на домаќините Штрков во 32 минута и на Димитровски во 36 минута. Преку голот на Трајков  во 38 та минута повторно се стигна до егал 3:3, но во пред последната минута Лазов од екипата на „ Мал Ајакс“ им овозможи на домаќините да стигнат до победата.

По одиграни седум кола и со 18 бода „Кеги моби“ е прв на табелата. Во следното осмо,  последно коло, во есенскиот дел во кое на домашен терен ,во Велес,  гостува екипата „Форца“ од Куманово.

Лазар Лазаровски