Велешка „Бабуна“ го брани првото место во спортски риболов – млади во Дојран
Објавено на 18 јуни, 2021 во 18:31
Викендов во Дојран ќе се одржи Државното првенство во спортски риболов „У – 15“ за категоријата најмлади риболовци. Годинава ќе се лови на патеката “Партизан” каде ќе учествуваат најдобрите екипи од државата меѓу кои и велешки „Професионал“.
Тренерот на ЗСР Бабуна Никола Џампалов не го крие оптимизмот.
– Победивме минатата година и не гледам причина да не го повториме успехот. Имаме талентирани младинци кои имаат знаење. Верувам дека и поединечно ке бидат „замешани“ во борбата за титулата Државен поединечен првак. Ако се погоди времето очекувам интересен настан со богат улов на риба.
Велешка „ Бабуна“ е минатогодишен екипен првак додека Давид Николов е лански државен шампион.
Лазар Лазаровски
