Велешкиот атлетски клуб „Борец“ организира треил трчање до врвот на Св. Илија
![](https://duma.mk/wp-content/uploads/2024/07/1-2-1024x576.jpg)
По повод празникот Св. Илија, на 2 август годинава, со почеток во 06:30 часот, Атлетски клуб Борец од Велес организира треил трчање до врвот на Св. Илија во Велес. Како што соопштуваат патеката не е маркирана но се оди по широк земјен пат до највисоката точка на ридот, на надморска височина од 565 метри.
-Се поаѓа од паркингот кај Стар мост, се поминува крај Влашката црква, потоа црквата Св.Спас, а на враќање и низ манастирот Св.Илија каде ќе оддадеме почит на овој голем светец. Сите учесници трчаат во една група. Предвидени се две паузи, од кои првата на врвот и втората кај манастирот, додаваат од АК Борец.
Трката е од рекреативен карактер со вкупна должина од 10 километри. Секој учесник трча на своја одговорност и потребно е со себе да си носи вода.
Стефани Манева
![](https://duma.mk/wp-content/uploads/2021/05/SEMM.jpg)