Велосипедистите на велешки МВК освоија три државни медаљи
Објавено на 26 јуни, 2022 во 20:25
Се одржа државното првенство во друмски велосипедизам. Учествуваа 70 тина возачи од земјата. Се возеше на патеката од Кавадарци преку Возарци и Росоман до Кавадарци во должина од 33 километри, кружно 4 круга или вкупно 132 километри.
Во сениорска конкуренција победи Андреј Петровски пред Стефан Петровски од РСВ „Зехајм“ додека трет е велешкиот претставник Кристијан Ванчевски од МВК.
Во категоријата У-23 најдобар беше Димитар Јовановски од екипата на „Енерџи“. Второпласиран е Виктор Ванчевски од МВК пред клубскиот совозач Михаил Крстев.
Топлото време не беше сојузник на велосипедистите кои сепак постигнаа одлични времиња.
Лазар Лазаровски
