Во недела, Ендуро трка 2024 на патеката кај велешко езеро „Младост“

Од триесет до педесет возачи ќе земат учество на првата ендуро трка од државниот шампионат во Ендуро за 2024 година која ќе се одржи на 7 јули, во недела, на патеката кај велешко езеро „Младост“. Оваа година Велес по 14 пат е домаќин на оваа адреналинска и екстремна еднодневна трка на која ќе се вози во неколку класи поточно Е1, Е2, Е3 и Е јуниор. Организатор на настанот традиционално е мото клубот „МотоВелес“ заедно со МФМА и Општина Велес. 

Дума.мк во текот на претходната недела направи видео интервју со претседателот на „МотоВелес“, Сашко Ванов, кој ги соопшти деталите за годинешната трка. Целото интервју можете да го погледнете на следниот линк.

Се покануваат сите љубители на овој адреналински спорт во недела да ја проследат ендуро трката којашто загарантирано ќе овозожи адреналинско уживање за секој присутен.

Стефани Манева