Филипче: Имунизацијата нема да запре
Објавено на 2 јуни, 2021 во 09:40
Министерот за здравство, Венко Филипче, вели дека имунизацијата нема да запре бидејќи месецов се очекува да пристигнат нови количини вакцини.
-Во јуни треба да пристигнат околу 110 илјади Фајзер вакцини преку Ковакс системот и околу 80 илјади преку нашиот директен договор. Во овој момент се пријавени 180 илјади граѓани кои чекаат да добијат термин, а 40 илјади се над 60 години, вели Филипче.
Во гостувањето на ТВ Телма, Филипче кажа дека она што се очекува, според последните најави, е од вакцината „Синовак” која што денеска ја одобри Светската здравствена организација, во нашата земја да стигнат 500 илјади дози. Во земјава се очекува да пристигнат донација на вакцини од Грција и Бугарија.
