Свети Никола Чудотворец, заштитник на сиромашните и обесправените!

Синоќа многу граѓани го славеа светецот со домашни слави. Денеска го слават оние граѓани кои го носат неговото име.

Православните верници денеска го слават Свети Никола Чудотворец, заштитникот на сиромашните и обесправените. Славен е како од Православните, така и од другите христијани, но и од припадниците на другите вери. Овој голем светител се слави и во нашата земја. И покрај тоа што поминале неколку стотици години народот не го забаравил неговиот живот исполнет со правење добри дела. Им помагал на болните ги заштитувал обесправените и неправедно осудените и најмногу од се ги дарувал сиромашните деца. Тој е чувар на Божествената вистина, овој чудесен Божји светител бил и одважен заштитник на правдата меѓу луѓето, насекаде сеејќи мир и благодат. На двапати спасил по тројца луѓе од незаслужена смртна казна. Милостив, вистинољубив и праведен, уште за време на животот луѓето го сметле за светител и го повикувале на помош во маки и неволји; им се јавувал во сон и на јаве на тие што го повикувале, еднакво лесно дали се блиску или далеку, и им помагал. Многу пати им помагал и на давениците, затворениците и ги избавувал од неволји морепловците.