Македонија во жолта и во портокалова фаза: Обилни врнежи и можни поплави
Објавено: 26 јануари, 2026, во 09:02 часот
На територијата на Македонија, денеска, понеделник, 26 јануари 2026 година ќе биде во жолта и во портокалова предупредувачка фаза поради очекуваните обилни дождови. На планините над 1200/1300 метри надморска височина ќе врне снег.
Повремено ќе дува засилен ветер од јужен и од југоисточен правец особено во Повардарието каде повремено ќе достигнува брзина од над 60 км/час а можна е и ретка појава на грмежи.
Температурите денес ќе се искачуваат во интервалот од 4 до 11 степени а во Скопје и околината температурата ќе се движи до околу 9 степени.
Поради очекуваните обилни врнежи во Македонија, повторно расте ризикот од зголемување на нивоата на реките и на езерата како и опасноста од излегвање на реките и поплави,“ соопшти метео прогнозерот Славчо Поповски.
Дума.мк
