МОН: Во тек е аплицирање за субвенциониран студентски оброк за студентите кои досега не го оствариле правото

Студентите кои не се пријавиле или не го оствариле правото на убвенциониран студентски оброк преку претходните повици, од денеска можат да аплицираат преку веб-страницата Е-услуги.

Од Министерството за образование и наука информираат дека крајниот рок за пријавување е 7 ноември.

„По завршување на рокот за пријавување, кандидатите кои ги исполниле условите ќе бидат известени за тоа преку порталот каде ја поднеле својата апликација. Потоа, потребно е да се регистрираат на активната онлајн платформа на Шпаркасе Банка со која МОН склучи нефинансиски договор за реализација на мерката и да ги ажурираат своите податоци на , по што ќе добијат информација преку СМС за точното време и место за потпишување на договор за отворање на посебна сметка и за подигнување на наменскaта студентскa Visa картичкa за субвенциониран оброк “– се наведува во соопштението.

Секој студент кој има потреба од помош при аплицирањето може да се обрати на следниот контакт: [email protected] или во наменската канцеларија на приземјето во зградата на Министерството.

Студентите кои ќе го остварат ова право, средствата во износ од 140 денари дневно можат да ги користат од понеделник до сабота, за купување храна во маркети, пекарници, ресторани и други правни лица кои произведуваат, подготвуваат или продаваат храна.

Од МОН потсетуваат дека можноста за аплицирање ќе биде отворена и секој нареден месец, од 1-ви до 7-ми, за студентите кои претходно не го оствариле правото поради било каква причина.

Дума.мк