На Палевски му е одреден 40 дена затвор во Беликесир во Турција

Министерството за правда информира дека во дописот од Републичкото Јавно Обвинителство Беликесир- Турција информираат дека на осомничениот за двојното убиство Љупчо Пелевски, му е одреден привремен затвор во траење од 40 дена во „Затворена казнено -поправна установа Беликесир“ во Турција

Од Правда велат дека Палевски беше уапсен за кривично дело „Намерно убиство на дете“ согласно Законот 6706 член 14 , со цел да се обезбеди екстрадиција на лицето во наведената земја ( РСМ), согласно член 16 од Европската конвенција за екстрадиција на криминалци.

Истрагата за убиството на Вања и Панче почна на почетокот на овој месец и во неа, покрај Палевски, кој е осомничен за кривичните дела „грабнување“ и „убиство на свиреп начин“, за соизвршителство се товарат и Велибор Манев, Влатко Кешишов и Боре Видевски кои се во притвор во Скопје.

Во притвор се и таткото на Вања, Александар Ѓорчевски, кој се сомничи дека помагал во грабнувањето со тоа што, како што соопштија своевремено надлежните, споделувал информации со останатите осомничени за движењето на неговата ќерка, и Стефан Димковски, возачот кој го возел од Србија до Турција првоосомничениот Палевски.

Палевски пребега во Србија, оттука преку Бугарија, заминал во Турција, каде полицијата го уапси во градот Баликесир.

Дума.мк