На Попова Шапка 90 сантиметри снег, во Маврово 21

На Попова Шапка има снежна покривка од 90 сантиметри, во Маврово 21, а 11 во Крушево, соопшти Управа за хидрометеоролошки работи.

Најмногу дожд, пак, во изминатотото деноноќие наврна во Демир Капија 54 литри на квадратен метар, во Куманово 43, Тетово 37, Битола 31, Скопје 24 литри.

Времето денеска претпладне ќе биде облачно со врнежи од дожд, особено во источните делови. На планините и на некои повисоки места врнежите ќе бидат од снег. Попладне врнежите ќе престанат, а во западните делови ќе има делумно намалување на облачноста.

Ќе дува слаб ветер, претежно од источен правец. Максималната температура ќе биде во интервал од 4 до 9 степени.

Дума.мк