Русија: 12.000 евра за трето дете
Рускиот претседател Владимир Путин им предложи на семејствата од Далечниот источен федерален округ по еден милион рубљи за раѓање на трето дете или следните деца, стои на веб-страницата на Кремљ.
Путин ѝ нареди на владата да размисли за обезбедување на оваа еднократна социјална исплата до 1 ноември. Парите ќе бидат достапни за семејствата кои го регистрираат раѓањето на децата во матичната служба во Сојузниот округ на Далечниот Исток.
Средствата (околу 12 илјади евра) ќе можат да се искористат за купување станови во регионот или за враќање на трошоците за негова изградба.
Претходно, на маргините на Источниот економски форум, вицепремиерот Јуриј Трутњев побара од претседателот да го поддржи ширењето на искуството на Сахалин на целата територија на Далечниот Исток и да донесе одлука за исплата на милион рубли за раѓање на трето дете. Според него, тоа ќе влијае врз одлуката за планирање на првото и второто дете и ќе го умножи ефектот.
