Љубљана: Осумнаесет патници повредни во железничка несреќа!
Објавено на 29 октомври, 2012 во 09:57
Несреќата се случила утрово околу 8 часот на железничкта станица Вижмарје кога меѓународен воз од Белград за Вилач директно удрил во запрена композиција од патнички вагони. Повредени се најмалку осумнаесет патници, јавува 24ur.com
На местото на несреќата се спасувачките екипи и полицијата. Според досегашните информации се судриле два патнички воза, има најмалку осумнаесет повредени патници кои се надвор од животна опасност, соопштила полицијата во Љубљана.
Возот од Белград од сеуште неутврдени причини веднаш по излегувањето од железничката станица свртел на пругата на која стоела втората композиција со патнички вагони. Засега нема информации кои се повредените патници. Рано утрово, возот од Белград минал и на железничката станица во Загреб.
