Трагедијата во „Пулс“ однесе уште еден живот – почина 24-годишно момче од Кочани

Министерството за здравство соопшти дека денеска претпладне машко лице од Кочани, роден 2001 година подлегнал на повредите, согласно информациите добиени од Воено Медицинската Академија во Белград. Ова е 62-ра жртва од пожарот во дискотеката „Пулс“.

„Станува збор за пациент, кој од првиот ден, согласно извршената првична тријажа од медицинските тимови е веднаш упатен на лекување во Воено Медицинската Академија во Белград и кој беше интубиран и во критична состојба во изминатиот месец“, инфомрираа од министерството.

Станува збор за пациент со 27 отсто зафатеност со изгореници и сериозни повреди од вдишување на чад.

Во ВМА е опериран на 4 април и поставен на ЕКМО апарат, преку кој се оксигенира крвта преку машина, заради вдишаниот чад. Но, заради сериозноста на повредите, тој поголем дел од хоспитализацијата бил нестабилен и во тешка општа состојба.

Дума.мк