Утре и задутре, ново невреме доаѓа во Македонија
Објавено: 15 јуни, 2026, во 08:40 часот
„Под влијание на атмосферски фронт од север, со поладен воздух на висина, во вторник, 16 и во среда, 17 јуни, во Македонија во попладневните часови ќе дојде до ново поголемо дестабилизирање на атмосферата и формирање на фронтални и нестабилни влажни бранови. Ќе се развиваат конвективни облачни грмотевични јадра од кои на повеќе места очекувам појава на пороен дожд, грмежи и засилен ветер.
Поради загреаната атмосфера, исполнета со енергија, локално процесите ќе бидат интензивни и ќе има појава на невреме проследено со обилен пороен дожд, силен ветер, силни електрични празнења и со појава на град.
И во делови од Скопскиот регион, во попладневните часови ќе има развој на нестабилност проследена со пороен дожд, грмежи, засилен ветер и со услови за појава на невреме со град.
Што се однесува до температурите, тие во овие два дена ќе се искачуваат во интервалот од 26 до 34 степени, а во Скопје и околината максималната температура ќе се искачи до околу 30/31 степени,“ соопшти метеопрогнозерот Славчо Попоски.
Дума.мк
