Истражување: Кучињата можат да го препознаат стресот кај луѓето

Научниците открија дека кучињата можат да го препознаат стресот во човечкиот здив или потта, објави Би-би-си.

Четири кучиња, домашни миленици кои учествувале во истражувањето со дозвола од сопствениците, биле обучени да „изберат“ еден од трите контејнери за мирис. Во повеќе од 650 од 700 тестови, тие успешно идентификувале примерок од пот или здив земен од лице под стрес.

Истражувачите од Универзитетот Квин во Белфаст се надеваат дека нивната студија, објавена во списанието „Плос уан“, ќе помогне да се обучуваат терапевтски кучиња.

Кучињата го доживуваат светот преку мирис. Нивните високо чувствителни способности за откривање одредени мириси веќе се користат за откривање лекови, експлозиви и болести, вклучувајќи одредени видови рак, дијабетес, па дури и ковид.

„Имавме многу докази дека кучињата можат да ги намирисаат човечките мириси кои се поврзани со одредени медицински состојби или болести, но немаме многу докази дека тие можат да намирисаат одредени разлики во нашата ментална состојба“, изјави водачот на истражувањето Клара Вилсон.